Madaxweynaha Dowlad Gobaleedka Galmuudg, Mudane Axmed Cabdi Kaariye, ayaa ka tacsiyeeyay dadkii ku naf waayay iyo inta ku dhaawacantay weerarkii bahalnimada ahaa ee kooxda argagixisada ku qaadeen hotelka Xayaat ee Magaalada Muqdisho.
Madaxweynaha, ayaa yiri “ Oo ugu baaqay Shacabka Soomaaliyeed in la garab istaago dadka xaaladaha degdega ah ku jira, oo la tago Isbitaalada si dhiig loogu caawiyo, Waxuuna Eebbe uga baryay in uu u booga dhaayo inta dhaawacantay, inta dhimatayna uu ka waraabiyo Janatul Firdowsa”. Ayuu yiri Mudane Axmed Cabdi Kaariye.
Madaxweynaha, ayaa ugu dambayn ku baaqay in meel looga soo wada jeesto kooxaha argagixisada oo uu sheegay in aysan ukala soocneen bulshada, su isku mid ahna u beegsadaan, isagoona ugu baaqay shacabka Soomaaliyeed inay la shaqeeyaan laamaha ammaanka, si loo soo Afjaro kooxdan caadeestay daadintan dhiigga maatida.
