Guddomiyaha Gobolka Shabellaha Dhexe Axmed Meyre Makaraan oo ay wehliyaan Xildhibaanno ka tirsan Baarlamanka Hirshabelle Maamulka Degmada Ragacelle, siyaasiyiin iyo Saraakiisha Ciidamada Xooga dalka ayaa kulan la qaatay xooggaga Degmada Ragacelle oo iskood isku abaabulay, una diyaarsan la dagaallanka kooxaha argagixisada Al-Shabaab ee baneystay daadinta dhiiga dadka shacabka ah
Guddoomiye Axmed Meyre Makaraan ayaa sheegay in dagaalka lagula jiro Al-Shabaab uu yahay mid waajib ah, shacabka iyo ciidamada oo iskaashanayana looga baahanyahay in meel looga soo wada jeesto dagaalka ka dhanka ah argagixisada Al-Shabaab
Guddoomiyaha ayaa xusay in waqtigii argagixisada Al-Shabaab uu dhamaaday Dalka guud ahaana laga xureyn doono.
