Diyaarad kuwa sida joogtada ah qaadka Meerowga ah uga keena dalka kenya, ayaa maanta ku burburtay Garoonka Ku Meel Gaarka Ah ee Degmada Caabudwaaq.
Sida ay Maamulka Garoonka u xaqiijiyeen Warbaahinta Qaranka Diyaaradaan ayaa ka weecatay Dhabaha Garoonka waxyar kadib markii ay soo caga dhigatay, taas oo keentay in ay baalasha ay la jiirto dhirta kaabiga ku haysa Garoonka.
Majirto wax qasaaro ah oo gaaray shaqaalaha diyaarada oo maamulka Garoonka ay nala wadaageen, waxaase ay intaa ku dareen in ay soo gaartay Garoonka goor dhaw Diyaarad kale oo wada Injineero uu soo diray Kambaniga lahaa diyaarada burburtay, taas oo ka qaaday Garoonka shaqaalihii la socday diyaarada.
Waa markii ugu horraysay oo cilad noocaan ah ka dhacdo Garoonka oo si joogta ah loo isticmaalo tan iyo waxii ka dambeeyay sanadka 2021 waqtigaasi oo Garoonka hore ee Degmada lagu bilaabay dib-u-dayactir ilaa iyo hada uu ka socdo.
Waxaana waqtigaas waxii ka dambeeyay ay ganacsatada Qaadka iyo Maamula Garoonka iyo Bulshada Caabud-waaq oo is kaa shatay ay si Ku Meel Gaarka ah u samaysteen Garoonkaan oo tan iyo Sanadkii hore loo isticmaalo si joogta ah.Diyaaradaha rakaabka ayaa si maalin la ah uga soo daga Garoonka,marka laga reebo Qaadka oo tan iyo markii la fasaxay dhawaan isna u yimaada si joogto ah.
