Wasiirka howlaha guud iyo dib-u-dhiska Dowlad Goboleedka Hirshabeelle Jaamac Xuseen Xaanshi iyo Wasiirka Xanaanada Xoolaha Hirshabeelle Maxamed Maxamuud Goodir oo ay wehliyaan mayarka Baladweyne iyo Gudoomiyaha Degmada Baladweyne,ayaa si wada jir ah u dhagax dhigay suuqa xoolaha xaafadda howlwadaag ee Magaalada Baladweyne.
Dhagax dhiga dhismaha Mashruucaan, ayaa waxaa goobjoog ka ahaa maamulka degmada Baladweyne, Ganacsato xubnoka mid ah labada Gole ee Dowlada Hirshabeelle iyo marti Sharaf kale.
Mashruucan lagu dhisayo Suuqa waxaa iska kaashaday Maamulka Hirshabeelle iyo Dowlada Soomaaliya oo gacan ka helayo Midowga Yurub qaasatan mashruuca horumarinta dhaqaalaha ee loo yaqaano ILED.
Wasiirka Xanaanada Xoolaha, dhirta iyo daaqa Dowlad Goboleedka Hirshabeelle Maxamed Maxamuud Ibraahim Goodir oo ugu horreyn munaasabada dhagax dhiga ka hadlay, ayaa ka waramaya ahmiyadda mashruucan u leeyaha Bulshada.
Wasiirka howlaha guud iyo gureynta Hirshabeelle Jaamac Xuseen Xaanshi ayaa sheegay in ka Wasaarada ahaan ay hubin doonaan tayada qalabka lagu dhisayo suuqan, isagoo ku booriyay bulshada degan xaafadda howlwadaag inay ka qeyb qaatan dhismaha suuqan.
