Wasaaradda Caafimaadka iyo Daryeelka Bulshadda ee Dowladda Federaalka oo la kaashanaysa hayadda Caafimaadka Adduunka (WHO) iyo ururka Caafimaadka dhimirka (SOMHA), ayaa tababar la xiriira Caafimaadka dhimirka iyo taageerada cilmi-nafsi u qabatay howlwadeenno Caafimaad oo ka kala socda 8 isbitaalada waawayn (shan isbitaal dowladdeed iyo saddex gaar loo leeyahay) ee ku yaalla Magaalada Muqdisho.
Tababarkaan oo ah tababar Caalami ah oo loogu talo galay shaqaalaha Caafimaadka ee ka shaqeeya isbitaalada latacaala gurmadka dhaawacyada faraha badan waxaa kasoo qayb galay 204 howlwadeen Caafimaad oo ka kala socday Isbitaalada kala ah, Isbitaalka Madina, Isbitaalka Banaadir, Isbitaalka De-Martino, Isbitaalka Ex Digfeer, Isbitaalka Daru-Shifa, Isbitaalka Kalkaal, Isbitaalka Somali Sudanese, iyo Isbitaalka Keysaneey.
Shaqalahaan, ayaa markii uu tababarka u dhammaado waxaa rajo fiican laga qabaa inay ugu adeegaan cilmiga ay Barteen,Bulshadood u Baahan.
