Marwada Madaxweynaha Jamhuuriyadda Federaalka Soomaaliya Sahra Cumar Xasan ayaa daah furtay shirweynaha ganacsiga Haweenka Soomaaliyeed oo muddo labo maalmood ah ka socon doona magaalada Muqdisho.
Hooyadu waa laf dhabarta qoys walba oo Soomaaliyeed oo maanta dhisan, waa isu dheelitiraha heerarka nolosha ee qoyska, jaangooyaha sida uu u ekaanayo mustaqbalka reerka iyo qofka wajaha caqabadaha ugu adag si dhammaan xubnaha qoys u helaan fursadaha nolosha.
Sidaas awgeed ayaa loosoo agaasimay Shirkan oo muddada uu socdo lagu soo bandhigayo caqabadaha ku gadaaman horumarinta ganacsiga haweenka Soomaaliyeed, figrado iyo talooyin dhaxal gal ahย oo taageeraya ganacsiga haweenka iyo dhiirigelinta haweenka aan weli isku howlin ganacsiga iyo dabcan fursadaha jira ee u baahan ka faa’iideysiga.
Marwo Sahro oo qudheedu ka mid ahayd ganacsatadii Soomaaliyeed ee xilliyadii adkaa kusoo dhaqeeyay gudaha dalka ayaa ku dhiiri galisay haweenka Soomaaliyeed pin ay ku dhiiradaan barashada xirfadaha ganacsiga iyo abuuridda ganacsi gaar u ah iyaga.
