Agaasimaha Guud ee Wasaaradda Beeraha iyo Waraabka Xukuumadda Federaalka Soomaaliya Mudane Maxamuud Maxamed Maxamuud ayaa maanta soo xiray shirka Madasha Qaran ee sanadlaha ah ee Hormarinta Ganacsiga Beeraha oo mudada labada cisho ah ee uu socday ay ka qeyb galayaashu isku waydaarsadeyn fikrado iyo tusaalooyin wax ku oola oo lagu Horumarin karo Ganacsiga Beeraha, Suuq geyna loogu sameyn karo beeraleyda Soomaaliyeed si loo dhiirigaliyo wax soo saarka dalka.
Madashan oo qeyb ka ah dadaalada ay wasaaradu ugu jirto hormarinta Beeraha Dalka ayaa qodobada kasoo baxay waxaa lagu dabaqi doonaa shirka xiga oo dhici doona sanadka soo socda sida ay sheegtay Agaasimaha waaxda Horumarinta Ganacsiga Beeraha Sowdo Mire Cismaan.
Agaasimaha waaxda waraabka Koonfur Galbeed Cabdifitaax Aadan Cabdiraxmaan oo ku hadlay magaca maamul Goboleedya ayaa sheegay in iyaga oo iskashanaya ay ka shaqeyn doonaan Horumarinta Beeraha iyo kobcinta wax soo saarka.
Agaasimaha Guud ee Wasaaradda Beeraha iyo Waraabka Xukuumadda Federaalka Soomaaliya Prof. Maxamuud Maxamed Maxamuud oo shirka soo xiray ayaa xusay inay xoojin doonaan kobcinta wax soo saarka iyo dhiirigelinta beeraleyda Soomaaliyeed, si loo gaaro isku filnaansho dhanka cunada ah.
