Guddiga Gaadiidka, Tamarta, Garoommada, Dekedaha iyo Hawlaha Guud, oo ku guda jira gudashada waajibaadkooda dastuuriga ah ayaa maanta sii waday ka doodista ama faaqidaadda Hindise-Sharciyeedka Korontada oo loo soo gudbiyey kaddib markuu maray akhriskiisii koowaad bishii hore.
Xildhibaannada Guddiga ayaa ku guda jira diyaarinta wax-ka-baddalka hindise-sharciyeedkan si uu u maro Akhriskiisa labaad oo loo horgeeyo Golaha Shacabka usbuucyada soo socda si looga doodo Isla markaana loogu sameeyo kaabis dhinaca sharciga ah.
Sidoo kale Guddiga ayaa qorsheynaya inay maalmaha soo socda qabtaan doodo dadweyne (Public Hearing) isla markaana la-tashi la sameeyaan daneeyayaasha suuqa Tamarta iyo Korontada Soomaaliyeed.
