Ra’iisul Wasaare Ku -xigeenka Dalka, ahna Ku-simaha Ra’iisul Wasaaraha Mudane Saalax Jaamac ayaa maanta booqday Xarunta Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya.
Waxaa ku soo dhaweeyay xarunta dhexe Ee Wasaaradda, Wasiirka Wasaaradda Qorsheynta Maalgashiga iyo Horumarinta Dhaqaalaha XFS, Mudane Mudane Maxamuud Cabdiraxmaan (Beenebeene), oo ay wehliyaan Wasiiru Dowlaha Wasaaradda Mudane Cabdirashiid Jire Qalinle, Wasiir Ku Xigeenka, Mudane Maxamed Cabdiqaadir Cali iyo Agaasimaha Guud ee Wasaaradda Mudane Asad Yuusuf.
Ra’iisul Wasaare Ku-xigeenka ayaa Madaxda Wasaaradda ka dhegaystay warbixin ku aaddan shaqooyinka socda iyo howlaha baaxadda leh ee la qorsheeyay in sannadkaan 2023 la hirgaliyo.
Wasiirka Wasaaradda Mudane Maxamuud Cabdiraxmaan Sh. Faarax (Beenebeene) ayaa dhankiisa RW Ku Xigeenka la wadaagay adeegyada horumarinta u leh dalkeenna ee ay gacanta ku hayso Wasaaraddu, Sida horumarinta kaaabayasha dhaqaalaha dalka, gargaarka iyo xasilinta deeggannada laga saaray kooxaha khawaarijta.
Dhanka kale, Ku simaha RW Mudane Saalax Jaamc oo warbixin dheer ka dhaystay Waxaaha iyo Hay’adda Istaatiskada Qaranka ayaa soo jeedintiisa xoogga ku saaray sidii loo horumarin lahaa adeegga dowladnimada, loona gaari lahaa goobaha dhawaan la xorreeyay, waxaa kale oo uu hoosta ka xarriiqay, isla markaana soo jeediyay in la dar-dargeliyo Barnaamijyada xasilinta, lana dhaqangeliyo qorshayasha lagu horumarinayo dalkeenna.
Ugu dambeyn, Ra’iisul Wasaare Ku xigeenka ayaa soo jeediyay in la kordhiyo adeegyada Bulshada, si loo sameeyo isbeddel dhanka horumarinta Qaranka ah, loona fuliyo qorshayaasha Wasaaradda u degsan.
