Wasiirka Isgaarsiinta iyo Teknolojiyadda Xukuumadda Federaalka Soomaaliya Mudane Jaamac Xasan Khaliif ayaa booqasho rasmi ah ku tagay Magaalada Qaahira ee Caasimada Dalka Masar, waxaana ku wehlinaayey Maareeyaha Guud ee Hay’adda Isgaarsiinta Qaranka Mudane Mustafa Yaasiin Sheekh iyo Lataliye Sakariye Ismaaciil.
Ugu horeyn wefdiga Wasiirka waxaa garoonka Qaahira ku soo dhaweeyey mas’uuliyiin sarsare oo ka tirsan Dowladda masar iyo Saafaradda Soomaaliya.
Related posts
Shirka Wasiirrada Isgaarsiinta iyo Teknolojiyadda ee Jaamacadda Carabta
Wasiirka Isgaarsiinta iyo Teknolojiyadda Xukuumadda Federaalka Soomaaliya Mudane Jaamac Xasan Khaliif ayaa ka qeybgalay Shirka 26-aad ee Wasiirrada Isgaarsiinta iyo Teknolojiyadda ee Jaamacadda Carabta oo sanadkaan ka dhacay Magaalada Qaahira ee dalka Masar.
Shirkaan waxaa diiradda lagu saaray qodobo ay ka mid ahaayeen.
1. Adkeynta xiriirka iskaashi ee dhinaca Teknolojiyada ah ee dalalka Carabta.
2. Ansixinta istraatiijiyada Carbeed ee Isgaarsiinta iyo Teknolojiyada.
3. Xoojinta addeegyda boostada.
4. Ganacsiga Elektronic-ga ah.
5. Hubinta amniga internet-ka.
6. Is-dhaafsiga khibradaha maamulka Teknolojiyada cusub.
Kulamo Doceedyada
Wasiirka Isgaarsiinta iyo Teknolojiyadda Mudane Jaamac Xasan Khaliif inta uu ku suganyahay Magaalada Qaahira waxa uu kulamo doceedyo la qaatay Wasiirada dhigiisa ee dalalka carbeed ee ka soo qeybgalay shirka.
Booqashada Xarumaha Teknolojiyada, ICT-da iyo Boostada.
Wasiir Jaamac intii uu ku guda jiray booqasha rasmiga ee Magaalada Qaahira waxa uu booqasho ku tagay xarumaha Teknolojiyada, ICT-da iyo Boostada Dalka masar, waxaana maamulka xarumahaas u sharxeen sida ay u shaqeeyaan iyo adeegga ay siiyaan Shacabka Masaarida xarumaha uu boqdayna waxaa ka mid ahaa.
1. Machadka Teknoolajiyada Macluumaadka
2. Maamulka Boostada Qaranka Masar
3. Machadka Isgaarsiinta Qaranka
4. Hay’adda Nidaaminta Isgaarsiinta Qaranka
5. Xarunta Tababarka Afrika
Saxiixa hishiishka is-afgaradka ee Somaliya iyo Masar
Wasiirka Isgaarsiinta iyo Teknolojiyadda Xukuumadda Federaalka Soomaaliya Mudane Jaamac Xasan Khaliif iyo Wasiirka Isgaarsiinta iyo Teknoolojiyada ee Jamhuuriyadda Carabta ee Masar Dr Cumar Dalcat ayaa kala saxiixday heshiis is afgarad oo ku saabsan Tiknoolajiyadda, ICT-da iyo Boostada.
Qodabada Hishiishkaan.
1. Iskaashiga labada dal in ay isweedaarsadaan Aqoonta ku saabsan tababbarada ICT-da.
2. Isdhaafsiga khibradaha iyo aqoonta Kaabayaalka Dhijital-ka ah.
3. khibradaha istaraatiijiyada iyo siyaasada amniga internetka.
4. Iskaashiga dhinaca adeega Boostada.
5. waayo-aragnimada ku saabsan hal-abuurka Teknoolajiyada iyo hal-abuurka ganacsiga.
Wasiirk oo ka hadlay ahmiyadda hishiishka is-afgaradka ay wada gaareen Soomaaliya iyo Masar ayaa sheegay in iyada oo la adkeenayo xiriirka soo jireenka ah ee labada wadan in la saxiixo Hishiish iskaashi ah dhinacyada Isgaarsiinta, Boostada iyo (ICT) waana in la isweydaarsado khibradaha labada dal.
Booqashada Saafaradda Soomaaliya ee Masar.
Wasiir Jaamac Xasan Khaliif oo Booqasho rasmi ah ku joogay Magaalada Qaahira ee Caasimadda Dalka Masar ayaa booqday Saafaradda Dowladda Soomaaliya ee Masar, waxaana si diiran u soo dhaweeyey Danjire Ilyaas Sheikh Cumar Safiirka Soomaaliya ee Masar.
Wasiirka ayaa la kulmay diblomaasiyiinta iyo howlwadeennada Safaaradda, waxaana la siiyey warbixino ku saabsan qaabka ay u shaqeyso safaarada iyo howlaha ay u heyso Shacabka Soomaaliyeed ee ku nool guud ahaan Dalka Masar.
Wasiir ayaa si weyn ugu Mahadceliyey Danjire Ilyaas Sheikh Cumar iyo howlwadeenada Safaarada oo wax badan ka qabtay dhismaha Safaaradda.
