Wasiirka Caafimaadka Xukuumadda Fedaraalka Soomaaliya, mudane Cali Xaaji Aadan, oo Safar shaqo ku gaaray dalka Hindiya ayaa lagu soo dhaweeyay Garoonka Diyaaradaha Gandhi Airport ee caasimada New Delhi.
Wafdiga uu hoggaaminaya Wasiirka ayaa waxaa halkaasi ku soo dhaweeyay Safiirka Safaaradda Jamhuuriyadda Fedaraalka Soomaaliya mudane Axmed Cali Daahir iyo Qunsulka ahna Ku-xigeenka Safiirka mudane Cabdifataax Cabdullaahi Nuur.
Wasiirka ayaa inta uu halkaasi joogo ka qeyb gali doona shir caalami ah oo ay soo qaban qaabisay Wasaaradda Caafimaadka Hindiya, oo looga hadli doona arrimo quseeya Caafimaadk, kaasi hal ku dhiggiisu yahay ONE HEALTH oo ah Caafimaad mid ah.
