Aqalka Cad ee looga arrimiyo Mareykanka ayaa maanta ku dhawaaqay in madaxweynaha Mareykanka Joe Biden uu ka qeybgali doono shirka G7 ee 19-ka ilaa 21-ka May ka dhacaya magaalada Hiroshima ee dalka Japan.
Afhayeenka Aqalka Cad Karen Jean-Pierre, ayaa bayaan ku sheegay in Biden uu kala hadli doono madaxda kooxda G7, gaar ahaan, taageerada joogtada ah ee lasiiyo dalka Ukraine, dhibaatooyinka cuntada iyo cimilada, siyaabaha lagu hubinayo dhaqaale loo dhan yahay iyo dadaallada loogu gudbayo tamarta nadiifka ah.
Madaxweyne Biden ayaa sidoo kale booqan doona Sydney 24-ka May si uu uga qeyb galo shirka Quad oo ay isugu imaanayaan madax a kala socoto Mareykanka, Australia, Japan iyo Hindiya.
Madaxda afartan dal ayaa ka wadahadli doona kaabayaasha dhaqaalaha, caafimaadka, isbedelka cimilada iyo arrimo kale oo muhiim u ah gobolka Indo-Pacific, sida uu sheegay Jean-Pierre.
