Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa maanta kulan la qaatay Safiir Ku-xigeenka Dowladda Maraykanka u fadhiya Soomaaliya Danjire Tim Trenkle.
Kulankaan ayaa looga hadlay guulaha muhiimka ah ee laga gaaray dagaallada lagula jiro kooxda Khawaarijta ah ee Al-shabaab iyo dardargalinta wajiga 2-aad ee howlgallada ee lagu ciribtirayo argagixisada oo dhowaan ka bilaaban doona deegaannada Hirshabeelle.
Sidoo kale kulankaan ayaa looga hadlay sare u qaadidda mashaariicda horumarineed gaar ahaan muhiimadda uu bulshada u leeyahay barnaamijka xasilinta oo lagu horumarinayo deegaannada laga xoreeyey Khawaarijta ah.
