Munaasabad ay xilka kula wareegayaan Wasiiru-dowlaha iyo Wasiir ku-xigeenka cusub ee Wasaaradda Gaaadiidka iyo duulista hawada oo lagu qabtay Muqdisho.
Bashiir Macalin Cali oo ah Agaasimaha Guud ee Wasaaradda Gaadiidka iyo duulista hawada ayaa Wasiirada ku soo dhaweeyay shaqadooda cusub ee lagu wareejinayo.
Mudane Cabdikariim Cabdow Xaydar Wasiiru-dowlaha Wasaaradda Gaadiidka iyo Mudane Axmed Jaamac Cumar Wasiir ku-xigeenka Wasaaradda Gaadiidka iyo Duulista Hawada ayaa si iskumid ah u sheegay inay kaalintooda ka qaadan doonaan dardar gelinta qorshaha Xukuumaddaย ayna si hagar la’aan ah u gudan doonaan waajibaadka loo igmaday.
Wasiirka Wasaaradda Gaaadiidka iyo duulista hawada Fardowsa Cismaan Cigaal oo xilka u kala wareejisay xubnaha cusub ayaa balan qaaday inay xubnaha cusub ku caawin doonaan gudashada mas’uuliyadda culus ee loo igmaday.
Dhinaca kale Mudane Cabdikariim Cabdow Xaydar Wasiiru-dowlaha Wasaaradda Gaadiidka iyo Duulista Hawada ayaa 2 neef oo geel ah ku wareejiyay Wasiiru-dowlaha amniga si loogu dhiirageliyo Ciidanka amniga ee xasiliyay amaanka Muqdisho.
