Ciidanka Xoogga Dalka Soomaaliyeed oo howlgal qorsheeysan ka fuliyay degaanka Gumeeysi-diid oo Sagaal KM dhanka bari kaga beegan degmada Awdheegle ee gobolka Shabeelaha hoose ayaa lagu khaarijiyay Tiro ka mid ah maleyshiyaad Khawaarijta.
Ciidanka oo ka warhelay in maleeshiyaad katirsan khawaarijta ay isku uruursanayaan degaanka Gumeeysi-diid si ay u dhibaateeyaan shacabka Awdheegle ayaa ku baxay deegaankaas waxaana ka hortageen isku daygii kooxda, iyadoo howlgalkaas lagu dilay Shan dhagarqabe oo katitsanaa maleeshiyaadka khawaarijta, tiro kalena lagu dhaawacay.
Taliyaha Guutada 14-ka oktoobar ee Ciidanka Xoogga dalka G/le Sare Nuur Maxamed Gaaboow oo la hadlay Warbaahinta Qaranka ayaa xusay in howlgalku uu u dhacay sidii loo qorsheeyay isla markaana halkaa lagu fashiliyay isku daygii maleeshiyaadka KHawaarijta.
