Wasiirka Amniga Gudaha ee Dowlad Goboleedka Galmudug Maxamed Cabdi Aadan Gaboobe ayaa magaalada Gaalkacyo kulan looga hadlayay xoojinta amniga iyo dib u heshiisiinta Beelaha wada-daga Galmudug la yeeshay Odayaasha dhaqanka.
Kulanka ayaa waxaa ka qeybgalay Lataliyaha Amniga Madaxweynaha Galmudug Jeneraal Cabdi Jaamac Cabdulle, Guddoomiyaha gobolka Mudug Cabdinaasir Cabdiqaadir, Taliyaha qeybta Booliska Gobolka Mudug Cali Muuse, guddoomiye ku-xigeenka degmada Gaalkacyo Maxamed Cabdi Cilmi iyo mas’uuliyiin kale.
Related posts
Wasiir Gaboobe ayaa odayaasha dhaqanka iyo mas’uuliyiinta shirka qeybta ka ahaa ku bogaadiyay sida ay uga shaqeenayaan nabadda iyo xasilinta Galmudug, wuxuuna kula dardaarmay in laga wada shaqeeyo sidii ay bulshada ku dhaqan Galmudug nabad ugu wada noolaan lahaayeen, kuwa dariskooda ahna daris wanaag kula noolaa lahayeen.
Wasiir Maxamed Cabdi Aadan Gaboobe ayaa dadaal badan ku bixinaya sidii meesha looga saari lahaa colaadaha soo laalaabtay ee ka dhex dhaca beelaha walaalaha ah ee daga Galmudug iyo kuwa dariskooda ah.
