Munaasabad kooban oo ka dhacday Xarunta Maamulka Gobolka Mudug ayaa Gudoomiyaha Gobolka Mudug Mudane Faysal Sheikh Cali oo uu wehlinayo Guddoomiye ku xigeenka 2-aad ee Gobolka Mudug, Abaal-Marinta Ciyaarihii Degmooyinka Guddoonsiiyeen Xulka Degmada Galdogob oo ku guulaystay Koobka Ciyaaraha Degmooyinka Gobolka iyo Xulka Degmada Gaalkacyo oo kaalinta 2-aad galay.
Guddoomiyaha Dhallinyarada iyo Ciyaaraha Gobolka Mudug, Isuduwaha Wasaaradda Arrimaha Gudaha ee Gobolka, Madaxa Suuq geynta Shirkadda Golis Gobolka Mudug iyo qaar kamida Bahda Ciyaaraha Gobolka ayaa ka qayb galay Munaasabad kooban oo ka dhacday Xarunta Maamulka Gobolka Mudug.
Shirkadda Golis ayaa Abaal-marintan bixisay iyadoo ay qayb uga qaadanaysa Ciyaaraha Degmooyinka Gobolka Mudug, Masuuliyiinta ayaa u hambalyeeyey labada Kooxood, iyagoo si wada jira u faray in ay laba jibaaraan dedaalka Xirfadooda Ciyaareed iyo isdhexgalka Dhallinyarada.
