Madaxweyne Ku-xigeenka Dowladda Hirshabeelle Mudane Yuusuf Axmed Hagar oo maanta kulan bulsho la qaatay Maamulka Degmada Moqokori, Waxgaradka, Dhallinyarada iyo Saraakiisha Amniga, ayaa iska xog wareystay xaaladaha guud ee Degmada Moqokori ee Gobolka Hiiraan.
Kulankaan, ayaa diirada lagu saaray arrimaha amniga, baaahiyaha horumarineed oo ay u baahan tahay degmada, mashaaricda la filaayo iyo sidii loo xoojin lahaa dardargalinta la dagaalanka kooxda Khawaarijta ah ee Al-shabaab.
Madaxweyne Ku-xigeenka Hirshabeelle oo kulankaan ay ku wehliyeen Xildhibaan Cabdullaahi Maxamed Cali Sanbaloolshe, Guddoomiyihii hore ee Gobolka Hiiraan, Taliyaha Qeybta 27aad ee Ciidanka Xoogga Dalka iyo Mas’uuliyiin kale, ayaa sheegay in la joogo waqtigii la soo afjari lahaa cadowgaan dhibaatada ku haya shacabka Soomaaliyeed.
Waxaan idinku baraarujinaynaa inaad garab istaagtaan, geesiyaasha Xoogga dalka iyo Kuwa deegaanka ee la dagaalamaya khawaarijta.
