Ciidamada Israa’iil ayaa ku dhawaaqay subaxnimadii hore ee saakay oo Khamiis ah in laba sargaal oo sar sare looga dilay laba kalena looga dhaawacay dagaal ka dhacay waqooyiga Marinka Qaza.
Dhimashada Sarakiishan ayaa tirada guud ee dhimashada ciidamada Isra’iil ka dhigeysa tan iyo markii uu bilowday duullaanka ay ku qadeen magaalada Qaza 370 Askari.
Guutada Al-Qassam ee dhaqdhaqaaqa wax iska caabbinta Xamaas, ayaa Arbacadii shalay ku dhawaaqay inay burburisay 11 baabuurta Gashaaman ah oo ay lahayeen Ciidamada Israa’iil.
Warkan ka soo baxay Xamaas, ayaa sido kale lagu sheegay in Ciidamadii soo duullaan tagay ay u geysteen khasarooyin nafeed oo isugu jira dhimasho iyo dhaawac, wallow aanay xusin tiro rasmi ah.
