Wasiirka Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya Mudane Axmed Macalin Fiqi ayaa caawa ka qaybgalay madal Cilmiyeed lagu falanqeeyay “Waayaha cusub ee Soomaaliya: Micnaha iyo Muhiimadda ku biiridda urur Goboleedka Bariga Afrika”.
Madasha oo ay soo qabanqaabisay “Xarunta Wadahadalka Qaran” ayaa waxaa kasoo qaybgalay mas’uuliyiin ay ka mid yihiin; Ku simaha wasiirka ahna Wasiiru Dowlaha Wasaaradda Haweenka XFS Marwo Aamina Xadan Cali, Guddoomiye ku xigeenka Amniga iyo Siyaasadda Gobolka Banaadir Maxamed Axmed Diiriye( Yabooh), la taliyaha Madaxwaynaha JFS ee dhanka sharciga Mudane Ibraahim Iidle Sulaymaan ganacsato, ururada bulshada iyo qeybaha kala duwan Bulshada Soomaaliyeed.
