Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Cali Xaaji Aadan ayaa xafiiska ku qaabiley wafdi ka socdey Dowladda Switzerland oo ka mid ah dowladaha taageera Soomaaliya.
Kulanka waxaa goobjoog ka ahaa Agaasimaha guud ee Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Guuleed Cabdijaliil, iyo xubno kale oo ka tirsan Wasaaradda Caafimaadka iyo daryeelka bulshada Xukuumaadda Federaalka Soomaaliya.
Xubnaha ka socdey Switzerland waxaa hor kacaysey Ms. Martina Durrer madaxa iskuxirka gobolka ee Safaarada Switzerland waxaana qeyb ka ahaa Ms. Corinne Corradi Lataliyaha Caafimaadka Gobolka iyo Iskaashiga Caalamiga ah, waxayna warbixin kooban ka bixiyeen howlaha ay Soomaaliya ka taageeraan gaar ahaan arrimaha Caafimaadka iyagoo dul istaagey sida ay ugu go’an tahay ka qeyb qaadashada horumarinta Caafimaadka Soomaaliya.
Kulanka oo ahaa mid isbarasho ah iyo sidii loo xoojin lahaa wada shaqeynta labada dhinac ayaa lagu lafagurey mashaariicda ay ka wada shaqeyn karaan dhinacyada iyadoo la marayo istaraatiijiyadda horumarinta Caafimaadka ee ugu dagsan Wasaaradda Caafimaadka iyo daryeelka bulshada Xukuumadda Federaalka Soomaaliya si loo helo Caafimaad tayeysan oo dhameystiran.
Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Cali Xaaji Aadan ayaa ugu mahadceliyey Switzerland dedaalada joogtada ah ee ay la garab taagan yihiin xilli kasta bulshada Soomaaliyeed oo ku jirta soo ka basho dhinaca horumarka ah.
