Mas’uuliyiin ka tirsan Galmudug iyo Saraakiil ka socatay Hay’adda Caalamiga ayaa ka qeyb galay shirka Madasha Xiriirinta Arrimaha Beni’aadannimada Galmudug oo lagu qabtay Gaalkacyo.
Shirka madasha xiriirinta arrimaha beni’aadannimada Galmudug oo ay soo agaasintay Wasaaradda gargaarka Galmudug isla markaana ay ka soo qeyb galeen saraakiil ka socatay Hay’addaha deeq bixiyayaasha caalamigaa N.G.O-yada maxaligaa hay”adda Qaxootiga iyo barakacayaasha Galmudug maamulka gobalka Mudug iyo kan dagmada Gaalkacyo
Shirkaan oo ujeedkiisu yahay dardar galinta arimaha Gargaarka ayaa waxaa intii uu socday warbixino looga dhageystay xubnihii ka socday Hay’addaha Maxaliga, Guddoomiyaha Gobalka Mudug Cabdinaasir Cabdulqaadir Cabdille iyagoo warbixin guud ka siiyay Saraakiishii ka socatay Hay’addaha Caalamigaa
Agaasimaha Guud ee Wasaaradda Gargaarka iyo Maareeynta Musiibooyinka Galmudug Maxamed Cabdullaahi Cali oo markii uu kulanku soo idlaaday kadib uga warbixiyay waxyaabihii looga hadlay ayaa u sheegay in uu qeyb ka yahay kulamada joogtada ah ee Wasaaraddu qabato loogana hadlayay arrimaha samafalka iyo gargaarka qodabada maanta looga hadlayna waxa uu xusay inuu ugu muhiimsanaa sidii gargaarka loo gaarsiin lahaa deegaannada laga xoreeyay khawaarijta ee haatan shacabka ku nool ay dareemeen neecaawda Dowladnimo
Dhinaca kalana Wasiirka Wasaaradda Gargaarka Galmudug Cabdiraxmaan Maxamed Diiriye ,oo ay warbaahinta Qaranku wareysi gaar ah kala yeelatay ajandaha kulanka ayaa sheegay in wax badan ay qabsoomeen balse haatan xoogga la saarayo deegaannada khawaarijta laga xoreeyay sidii loo gaarsiin lahaa gargaarka ayna kala hadleen Hay”addaha Maxaligaa iyo kuwa Caalamigaa la iskuna afgartay
