Senator Xasan Iidow Muxumed Kobac oo ka mid ah Senatarada Aqalka Sare ee Soomaaliya ayaa faah faahin ka bixiyay kulan afurin ah oo ay u sameeyeen qoysas danyar ah oo ku kala nool magaalooyinka Beladweyne iyo Muqdisho.
Xasan Kobac oo la hadlayay Warhaabinta Qaranka ayaa sheegay in saddex magaalo oo ka mid ah dalka ay ka wadaan barnaamijka afurinta ah oo ay ku afurinayaan qoysaska danyarta ah, kaasi oo saldhig ah u ah magaalada Beladweyne ee xarunta Gobolka Hiiraan.
Barnaamijkan afurinta ayaa waxaa ka faa’iideysta maalinkasta in ka badan 250 oo qoys, oo isugu jira qoysas danyar ah iyo kuwa kale oo barakacayaal ah.
“15 sano ayaan wadnaa howsha wax u qabashada bulshada, oo ah afurinta dadka danyarta ah, qoysaska barakacayaasha iyo dadka ay biyo la’aantu saameysay oo aan biyo dhaamin u sameyno”. Ayuu yiri Senator Xasan
Senator ka ayaa mar uu ka hadlayay qorshaha ay hiigsanayaan ee ah inay xarumo xor leh ka hirgeliyaan gobollada dalka ayaa yiri “In aan hirgelino xarun ilmaha agoonta wax lagu baro, dalka hadda saddex meel ayaan ka howlgalnaa, waxaana noo qorsheysan inaan xarumo badan ka hirgelino gobollada dalka”.
