Guddoomiye Madaale: ayaa soo xiray tartanka Quraan akhriska Gobolka Banaadir

Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa ka qeybgalay munaasabad lagu soo gaba-gabeenayay Tartanka Quraan Aqriska Bisha Ramadaan ee Maamulka Gobolka Banaadir iyo Dowladda Hoose ee Xamar.

Tartankaan oo mid sanadle ah ayaa waxaa taaba-geliya Guddoomiyaha Gobolka Banaadir ahna Duqa Magaalada Muqdisho Sheekh Yuusuf Xuseen Jimcaale (Madaale), waxaana ku tartamay ardey ka kala socday Dugsiyadda Quraanka Kariimka ee Degmooyinka iyo Deegaanada Gobolka Banaadir, kuwaasi oo kaalimaha u kala galay:

Related posts

Guddoomiyaha SoDMA oo kulan wax ku ool ah la yeeshay culimada, ganacsatada iyo masuuliyiinta Bangiyada dalka

August 13, 2025

Soomaaliya iyo Kuwait oo kala saxiixday seddex heshiis oo kor u qaadaya xiriirka diblomaasiyadeed

August 13, 2025

1- Mujiiburaxmaan Maxamed Cabdullaahi (Kaalinta 1-aad). Waxa uu ka socday Degmada Wabari.

2- Asmaa Maxamed Ibraahim (Kaalinta 2-aad) waxa ay ka socotay Degmada Wadajir.

Munaasabadda waxaa goobjoog ka ahaa Guddoomiye Kuxigeenka Arrimaha Bulshada iyo Wacyigelinta Maamulka Gobolka Banaadir Mudane Cabdicasiis Cismaan Maxamed, Wasiir Kuxigeenka Wasaaradda Diinta iyo Awqaafta XFS, Xildhibaano, Culuma’udiin, Agaasimeyaal, Guddoomiyeyaal Degmo, Ururka Haweenka Gobolka Banaadir, Maclimiinta Dugsiyadda, Waalidiin iyo marti sharaf kale.