Taliyaha Ciidanka Boliiska Soomaaliyee Sareeye Guuto Sulub Axmed Firin ayaa tababar u soo xiray Cutubyo Ka tirsan Ciidanka Daraawiishta Booliiska Soomaaliyeed oo muddo tababar uga socdey Dalka Jabuuti ,
Munaasabadan Taba barka loogu soo xirayay Ciidankan waxaa goob joog ahaa Saraakiil sar Sare oo ka tirsan Ciidamada Jabuuti iyo Saraakiil ka socday Dolwadda Talyaaniga oo Tababarkan ka caawisa Dowladda Soomaaliya,
Sareeye Guuto Sulub Axmed Firin ayaa bogaadiyay dadaalka Iyo dhabar adeega ay muujiyeen Ciidanka muddada uu socday tababarka.
Sidoo kale Taliyaha ayaa u mahadceliyay Dowladaha Jabuuti Iyo Taliyaaniga oo uu sheegay inay door weyn ka qaadatay Tababarada Iyo Dib u dhiska Ciidanka Booliiska Soomaaliyeed.
Ugu Dambeyn Taliyaha Ciidanka Boliiska Soomalaiyeed Sareeye guuto Sulub Axmad Firin ayaa ka codsadey Dowladda Talyaaniga iyo Walaalaheen Jabuuti Inay sii wadaan Taageerada dhanka Tababarda ah ay siiyaan Booliiska Soomaaliyeed , si loo xoojiyo Tayada Ciidanka Daraawiishta Booliiska Soomaaliyeed.
Dufcadan maanta Tababarka loo soo xiray waa Dufcadii 20 oo katirsan Daraawiisha Booliiska Soomaaliyeed ee Tababar ku qaata Dalka Jabuuti.
