Kusimaha Madaxweynaha Jamhuuriyadda ahna Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur Madoobe, ayaa xarunta murtida Iyo Wacyigelinta uga qeyb galay xaflad ay ku qalin bedelanayeen Dufacadii 12-aad ee Bachelor Degree Iyo Dufcadii 6-aad ee Master Degree, kuwaas oo ka qalin bedeshay jaamacadaha Green Hope University Iyo Kesmonds University.
Mudane Sheekh Aadan Maxamed Nuur Madoobe oo xaflada khudbad ka jeediyay, ayaa marka hore u hambalyeeyay Ardayda qalin bedelenaysay, waxa uuna ku amaanay dadaalkii Iyo dulqaadkii ay muujiyeen muddadii ay halganka Waxbarashada ku jireen.
Sidoo kale Guddoomiyaha, ayaa waalidiinta, Ardayda, Macalimiinta iyo maamulka Jaamacadda ku amaanay juhdigii Iyo dadaalkii hagar la’aaneed ee ay Ardayda Soomaaliyeed geliyaan, ” Waxaan Ardayda qalin bedelatay kula dardaarmayaa in ay dadaalkooda sii laba jibaaraan islamarkaana Aqoontooda ugu adeegaan dadka Iyo dalka Soomaaliyeed oo ay sii hormariyaan Naftooda Waxbarashada ma dhammaato”.
Ugu dambeyn Kusimaha Madaxweynaha ahna Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur, ayaa bahda waxbarashada kula dardaarmay in ay caawiyaan waalidiinta aanan awoodin waxbarashada carruurtooda, si u badka Soomaaliyeed ay Waxbarasho u helaan.
