Ku-simaha Madaxweynaha ahna Madaxweyne Ku-xigeenka DWBS, Mudane Cabdirashiid Yuusuf Jabriil ayaa xafiiskiisa ku qaabilay wafdi uu hoggaaminayay ku xigeenka Ergayga Gaarka ah ee Xoghayaha Guud ee Qaramada Midoobay u qaabilsan Soomaaliya, ahna Isuduwaha Arrimaha Gargaarka bani’aadannimada Mud. George Conway.
Kulanka ayaa diiradda lagu saaray xoojinta iskaashiga iyo wada-shaqaynta Dowladda Waqooyi Bari Soomaaliya iyo Qaramada Midoobay.
Madaxweynaha yaa uga mahadceliyay wafdiga Qaramada Midoobay booqashadooda iyo dadaallada ay ku bixiyaan taageerada iyo wada shaqaynta ay Dowladda Waqooyi Bari Soomaaliya la leeyihiin.
Dhinaca kale, wafdiga Qaramada Midoobay ayaa sheegay inay sii wadi doonaan wada-shaqaynta ay la leeyihiin Dawladda Waqooyi Bari Soomaaliya, si wax looga qabto baahiyaha bani’aadannimo iyo kuwa horumarineed ee ka jira deegaannada Dawladda Waqooyi Bari Soomaaliya.
