Afar qof ayaa ku geeriyootay Qarax ismiidaamin ah oo ka dhacay magaalada Istambuule ee dalka Turkiga.
Qaraxa ayaa ka dhacay meel u dhaw dhisme dowladeed oo ku yaal wadada Istiklal.waxaana la sheegay iney ku geeriyoodeen Afar qofood 36 qof oo kalena wey ku dhaawacantay, kuwaasi oo 12 ka mid ah ay ajaanib yihiin.
Axaddii la soo dhaafay, qarax ka dhacay caasimadda Turkiga ee Ankara, ayaa waxaa ku dhintay 37 qof.
Kooxda hubeysan ee maleeshiyada Kurdiyiinta ee TAK ayaa sheegatay mas’uuliyadda weerarka.
Kooxda TAK, oo ka go’day kooxda la mamnuucay ee Kurdiyiinta ee PKK, ayaa sheegtay in weerarkaasi ay uu ahaa aargoosi ku aaddan howlgallada milateri ee uu Turkigu ka wado deegaanada ay ku badan yihiin Kuridiyiinta ee koonfur bari dalkaasi.
Bishii la soo dhaafay, weerar bambaano oo lagu qaaday kolonyo milateri oo ka dhacay magaalada Ankara ayaa waxaa ku dhintay 28 qof waxaana ku dhaawacmay tobaneeyo qof oo kale.
Sanadkii ore bishii Oktoobar, in ka badan 100 qof ayaa ku dhintay laba qarax oo lala beegsaday isu soo bax nabadeed oo ka dhacayay magaalada Ankara.
Dowladda Turkiga ayaa horay ugu eedaysay Kurdiyiinta Suuriya in ay ka dambeeyaan qaraxyada waxa ayna ku qaadday weerraro cirka ah oo aargoosi ah.
