Agaasimaha Guud ee Wasaaradda Arrimaha Gudaha,Dowladaha Hoose iyo Dib-u-heshiisiinta KGS Mudane Mustaf Sheekh Cabdullaahi (Mustaf Adaf) ayaa xafiiskiisa kulan kula qaatay Mas’uuliyiin ka socotay Ha’yadda UNICEF gaar ahaan waaxda daadejinta adeegyada aasaasiga ah.
Mudane Mustaf Sheekh Cabdullaahi (Mustaf Adaf) Agaasimaha Guud ee Wasaaradda Arrimaha Gudaha,Dowladaha Hoose iyo Dib-u-heshiisiinta Koonfur Galbeed Soomaaliya oo Wareysi gaar ah siyey Warbaahinta qaranka ayaa sheegey in Kulanka looga wada hadlay xoojinta xiriirka wada shaqaynta ka dhaxeeya Wasaaradda Arrimaha Gudaha iyo Hay’adda UNICEF ee barnaamijka daadejinta adeegyada , iyo kor u qaadida Wacyiga bulshada ee dhismaha dawladaha hoose.
Mustaf Adaf agaasimaha guud ee wasaaradaha arrimaha gudaha ayaa sidoo kale waxa uu sheegey in Kulanka ay ku wehlinayeen lateliyaha arimaha daadejinta maamulka iyo agaasimaha waaxda Maamulka iyo Maaliyada , iyo Hawlwadeenadda xafiiska waaxda Dowladaha hoose ee Wasaaradda Arrimaha Gudaha,Dowladaha Hoose Iyo Dib-U-Heshiisiinta Koofur Galbeed Soomaaliya.
Dhankale Agaasimaha guud ee Wasaaradda arrimaha gudaha, dowladaha hoose iyo dib u heshiisiinta Dowlad Gobaleed Koonfur Soomaaliya ayaa sheegey in Dhawan ay gaareen degmada degmada diinsoor si loogu kuur galo xaaladaha deegaanka isaga oo booqday kaamamka ku yaala xaafada Raamo dhowi ee Diinsoor , xili oo loo sameeynaayo biyo dhaamin.
Agaasime Mustaf Adaf ayaa sheegey iney la kulmeen qeybaha bulshada iyo maamulka ayaa sheegay baahiyaha jiro inuu la wadaagi doono madaxda sare iyo inta quseeyso , wuxuuna boogaadiyey shaqada maamulka u hayo .
