Agaasimaha Guud ee Wasaaradda Qorsheynta Xukuumadda Federaalka Soomaaliya Mudane Asad Yusuf oo ay weheliyaan Agaasimayaasha Kormeerka, Qiimeynta Marwo Zahra Cabdi Maxamed iyo Qorshaynta, Mudane Muuse Cusmaan Maxamed, ayaa kullan la qaatay wafdi ka socday Hay’adda NIIS-Soomaaliya oo uu hogaaminayay wakiilka Hay’adda Soomaaliya mudane Kaasim Gaabow Ducaale.
Waxay ka wada hadleen horumarada hirgelinta mashruuca Hindisaha xasilinta, Kala-guurka iyo mashaariicda horumarinta qaranka (I-STAND).
Iyada oo Wasaaradda door muhiim ah ka qaadanayso isku xirka mashaariicda horumarinta, in lagu saleeyo tiirarka Qorshaha horumarunta qaranka ee NDP-9, dhinacyadu waxay isla garteen in la sii xoojiyo wadashaqeynta, tasoo sii dhisayso kalsoonida iyo xariirka hufan oo leh hadafyo dhaxal gal u ah shaqooyinka masuuliyada ka saaran labada dhinac.
