Waxaa xalay Magaalada Khartoum ee xaruunta dalka Suudaan casho sharaf loogu sameeyay Agaasimaha Guud ee wasaarada warfaafinta dhaqanka iyo dalxiiska dalka isaga iyo Agaasimaha Wakaalada Wararka ee Sonna Agaasimaha shaqaalaha iyo Tobabarada kuwaa oo maalintii 2aad u jooga dalka suudaan howlo shaqo.
casha sharaftani ayaa waxaa soo agaasimay uqeybsamaha Warfaafinta Safaaradda Soomaaliyeed ee dalka Suudaan Fiidow Maxamuud Fiidow waxaana ku wehlinayay la taliyaha koowaad ee safaaradda ahna qunsulka safaaradda soomaaliyeed ee dalka suudaan Ibraahim Guure iyagoo warbixn quseeya xaalada dalka uu marayo ka dhageysteen wafdiga.
Agaasimaha Guud ee Wasaaradda Warfaafinta Cabdirisaaq Cali Yusuf Bahlaawi ayaa u mahadnaqay madaxda safaaradda ee u fidisay casha sharaftani isagoo xusay in ay ka muuqatay madaxdaasi isku duubni waxa uuna balan qaaday in ay la shaqeynayaan safaaradda.
Mudada ay joogaan Dalkaasi Wafdigani uu hogaaminayo Agaasimaha Guud ee wasaaradda Warfaafinta ayaa waxay kulumo la qaadan doonaan Madaxda ugu sareysa ee Wasaaradda Warfaafinta dalka Sudan si loo sameeyo iskaashi dhan walbo leh oo adkeynaya xiriirka labada Wasaaradood.
