Agaasimaha Guud ee Wasaaradda Maareeynta iyo Musiibooyinka Xukuumadda Federaalka Soomaaliya Mudane Axmed Abuukar Axmed ayaa shaaca ka qaaday in Gurmadka la gaarsiin doono meelkasta oo ay bulshadeenna ku dhibaateysantahay oo ay ku jirto goobaha ay argagixisadu ku dhuumaaleysanayso , maadaama ay ku nool yihiin qoysas Soomaaliyeed.
Agaasimaha oo u waramayay Radio Muqdisho ayaa sheegay in Wasaaradda Gargaarka iyo Maareynta Musiibooyinka ay ka jawaabeyso abaaraha saameeyay qeybo badan oo dalka ka mid ah, haatanna ay meel wanaagsan wax marayaan.
Related posts
“Goobaha Al-Shabaab haystaan waxaa ku nool dad Soomaaliyeed si kasto oo ay noqoto waan gaarsiinaynaa wixii kaalmo ah, Gurmadka meelaha qaarna waa gaarsiinay iyo guud ahaan meelaha abaaruhu saameeyeen si wanaagsan ayuu u socdaa”. Ayuu yiri Agaasimaha.
Agaasimaha oo ka jawaabayay eedeymaha la xiriirto in Dowladdu ay ka gaabisay u gurmashada dadka ay abaartu saameysay ayaa xusay in goobaha ugu daran ay gaarsiiyeen gurmad, ayna Gobolo qaar ka wadaan biyo dhaamin, mustaqbalka dhowna la rajeynayo in xal waara laga gaaro abaarta.
