Siihayaha Xilka Agaasimaha Guud ahna Agaasimaha Waaxda Maamulka iyo Maaliyadda Wasaaradda Awqaafta iyo Diinta Xukuumadda Federaalka Soomaaliya Mudane Xasan Cabdiraxmaan Xuseen oo howlo shaqo ujooga Maaladda Garoowe ee Caasimadda Puntland ayaa maanta kormeer ku tagay xarunta Wasaaradda Caddaaladda, Diinta, Dastuurka iyo Dhaqancelinta Puntland
Mudane Xasan Cabdiraxmaan Xuseen oo u waramay Radio Muqdisho ayaa sheegay in intii uu ku guda jiray booqashada xarunta Wasaaradda uu kula kulmay Wasiirka Wasaaradda Caddaaladda, Diinta, Dastuurka iyo Dhaqancelinta Puntland Mudane Cawil Sheekh Xamid Maxamed, Wasiir ku-xigeenka Wasaaradda Mudane Dr. Maxamed Cali Faarax iyo Agaasimaha Guud ee Wasaaradda Mudane Ismaaciil Xaaji Cabdi.
Siihayaha Xilka Agaasimaha Guud iyo mas’uuliyiinta Wasaaradda ayaa isla gartay sare uqaadida xiriirka, wadaagista khibradaha iyo mideynta qorshayaasha Wasaaraddaha.
