Xoghayaha guud ee Qaramada Midoobay Antonio Guterres, ayaa ka digtay in magaalada Qaza uu isu badallo xabaalaha carruur, waxuuna Israa’iil iyo Xamaas ugu baaqay xabbad joojin degdeg ah, si halkaasi gurmad bini’aadannimo looga fuliyo.
Hadalka Guterres ayaa yimid xili Wasaaradda caafimaadka Falastiin ay maanta ku dhawaaqday in tirada dadka ku dhintay magaalada Qaza 31 maalmood ee ay socdeen duqeymaha Isra’iil ay kor u dhaaftay 10,000 oo qof.
In ka badan 4,000 oo caruur ah ayaa la sheegay inay ku jiraan dadka dhintay.
Waxaa jirta cabsi laga qabo in tirada ay kororto iyadoo dad gaaraya 2,000 oo qof la rumeysan yahay inay ku hoos jiraan burburka dhismayaal la duqeeyay.
