Guddoomiye ku-xigeenka labaad ee Aqalka Sare, Mudane Cabdullaahi Cali Xersi (Timacadde),ayaa maanta shir guddoomiyay kalfadhiga labaad kulankiis 12-aad oo ajandihiisu ahaa Ansixinta Xeer-hoosaadka Aqalka Sare iyo Akhrinta labaad ee Hindise Sharciyeedka Hay’adda Nabad Sugidda iyo Sirdoonka Qaranka.
Guddoomiyaha guddiga Xeer-hoosaadka Aqalka Sare, Senator Cabdiwali Maxamed Ibraahim (Xaabsade) oo golaha la wadaagay qaabayn iyo toosin ay ku sameeyeen Xeer-hoosaadka ka doodii Sanatarrada akhrintii 2-aad. ayay intaas kadib Goluhu ansixiyeen Xeer-hoosaadka Aqalka Sare.
Intaas kadib Hindise Sharciyeedka Hay’adda Nabad Sugidda iyo Sirdoonka Qaranka oo doodiisa la gudagalay ayay Sanarradu ka dhiibteen dood ay ka qabeen qodobada qaaar ee sharciga.
