Munaasabadaan oo ay ku qalin jabiyeen ku dhawaad 60-arday oo wax ka bartay Dugsiga Anatoly ayaa waxaa ka qeyb galay mas’uuliyiin ka tirsan Maamulka Gobolka Benaadir, Maamulka Dugsiga Anatoly iyo marti sharaf kale, waxaana ardaydaan qeyb kamid ah ay barteen Cilmiga Beeraha oo muddo ay baranayeen.
Agaasimaha xarunta Anatoly C/qaadir Maxamed Hiraabi ayaa u sheegay ka qeyb galayaasha munaasabadda in dadaal badan ay ku bixinayaan sidii ubadka Soomaaliyeed wax loo bari lahaa.
Related posts
Guddoomiyaha Degmada Wadajir Cumar Cabdullaahi Xasan iyo Guddoomiyaha Ururka Haweenka Gobolka Banaadir Jawaahir Baarqab ayaa bogaadiyey Ardayda loo sameeyey munaasabadda qalin jabinta ah.
Guddoomiye kuxigeenka Arrimaha Bulshada ee maamulka gobolka Benaadir Basma Caamir ayaa sheegtay in cilmiga beeraha oo ay barteen qaar kamid ah ardaydaan uu ahmiyad gaar ah u leeyahay dalka, loona baahanyahay inay noqdaan kuwa ka qeyb qaata sidii bulshada loogu faa’iideyn lahaa tabcashada beerahooda.
Dugsiga Anatoly oo qeyb weyn ka qaata sare u qaadista waxbarashada dalka ayaa sidoo kale lagu xanaaneeyaa carruur agoon Soomaaliyeed ah oo helay waxbarasho iyo nolol ay ku noolaadaan.
