Munaasabad loogu dabaal degayay sanad guurada labaad ee ka soo wareegatay markii la aas aasay Machadka Waxbarashada Horseed, isla markaana shahaaadooyin lagu guddoonsiiyay ardayda dhameysatay barashada cilmiga saxaafadda ayaa lagu qabtay Muqdisho.
Munaasabadda oo ay ka qeyb galeen xubno ka socday Wasaaradda shaqada iyo Arrimaha bulshada, maamulka Machadka Horseed, Waalidiin, arday iyo marti sharaf kale.
Aadan Cabdulle Cabdi oo ah Hormuudka Machadka Waxbarashada ee Horseed ayaa sheegay in munaasabadda ay ugu dabaal degayaan labo arrimood oo kala ah xuska sanad guurada labaad ee aas aaska Machadka iyo shahaadooyin la guddoonsiinayo 70 arday oo baratay Cilmiga saxaafadda.
Guddoomiyaha hay’adda SOHVET Salaad Xasan Maxamed oo isna goobta hadal ka jeediyay ayaa tilmaamay in hay’addu ay ka shaqeyneyso sare u qaadidda iyo tayeynta waxbarashada ardayda Soomaaliyeed.
Agaasimaha Waaxda tababarada ee Wasaaradda shaqada iyo arrimaha bulshada Ismaaciil Macalin Cabdullaahi ayaa xusay in kan Wasaarad ahaan ay soo dhaweynayaan barnaamijyada nuucaani oo kale ah ee lagu horumarinayo dhalinyarada wax baraneysa.
Sawir Qaade:- Muuse Cismaan Abtow
