Lix qof ayaa geeriyootay in ka badan toban kale ayaa ku dhaawacantay qarax ay argagixisada Al-Shabaab ka geysteen maqaayad ku taala Xaafadda Suuqa Timacade Degmada Beledxaawo ee Gobolka Gedo.
Qaraxa oo la la eegtay dad shacab ah oo maqaayadda ka cunteynayay ayaa galaafatay nolosha 6 ruux oo 2 ka mid ah ay dumar ahaayeen iyo dhaawaca 12 kale, sida uu xaqiijiyay afhayeenka ciidanka Booliska Soomaaliyeed Gaashaanle Sadiiq Aadan Cali.
6 ka mid ah dhaawacyada oo garaabo ah, ayaa loo qaaday Degmada Doolow si Muqdisho loogu soo qaado looguna dabiibo.
Tan ayaa muujinaysa sidi argagixisada Al-Shabaab aysan uga naxaynin dadka shacabka ah, waxaana ciidanka xoogga dalka ay dhanka kale wadaan howlgalo ballaaran oo looga hortagayo dhagaraha ay shacabka u soo maleegayaan cadowga.
