Askarta Israa’iil kaga dhaawacantay dagaalladii dhulka ee ay ku qadeen Marinka Qaza ayaa diiday inay la kulmaan Ra’iisul wasaare Benjamin Netanyahu, markii uu ku booqday isbitaalada ay ku jiraan, sida uu sheegay kanaalka 13 ee laga leeyahay Israa’iil.
Kanaalka 13, ayaa warbixintiisa ku sheegay in Netanyahu galinkii danbe ee shalay uu booqday waaxda baxnaaninta ee isbitaalka Hadassah ee magaalada Jerusalem si uu ula kulmo Askarta ku dhaawacantay dagaaladii Qaza, balse way diideen inay la kulmaan.
Ma ahan markii ugu horeysay oo askarta ku dhaawacantay Qaza ay diidaan in ay la kulmaan Netanyahu, todobaad ka hor ayay aheed markii tiro askar ah oo dhaawac ah ay diideen inay kula kulmaan Isbitaalka Sheba oo ku yaala agagaarka Tel Hashomer oo u dhow Tel Aviv.
