Warbixinta Dib u eegista Hindise Sharciyeedka Hanti Dhowrka guud ee Qaranka waxaa Baarlamaanka keenay guddiga Maalliyadda ee Baarlamaanka, ayadoo guddoomiyaha guddigaasi Xildhibaan Samaan Maxamed Sheekh uu Xildhibaannada ka hor sheegay in Hindise Sharciyeedka Hanti Dhowrka guud ee Qaranka ay Xildhibaannadu ansixiyeen bishii January ee sanadkii 2014 balse uu Madaxweynaha Jamhuuriyadda dib ugu soo celiyey Baarlamaanka.
Xoghayaha Guddiga Maalliyadda ee Baarlamaanka Xildhibaan Cusmaan Xaaji Cali oo Xildhibaannada u akhriyey wax ka bedelka sharcigan lagu sameeyey iyo qodobadii uu Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ka biya diiday ee sababta u ahaa in sharcigan dib loogu soo celiyo Baarlamaanka oo markii hore ansixiyey.
Soo jeedintaasi kadib waxaa Xildhibaannada Baarlamaanka codeyn gacan taag aheyd ku meel mariyeen dib u eegista Hindise Sharciyeedka Hanti Dhowrka Guud ee Qaranka waxaana ogolaaday 156 Xildhibaan, waxaa diiday 2, waxaana ka aamusay 1 Xildhibaan.
Sida uu qabo dastuurka dalka qodobkiisa 90aad xafarkiisa (F) wuxuu saxiixayaa sharciyada uu ansixyo Baarlamaanka si sharci looga dhigo, dhinaca kale Xildhibaannada Baarlamaanka Soomaaliya ayaa maanta goโaansaday in dib loo dhigo xeritaanka Kalfadhiga 6aad ee Baarlamaanka, waxaana uu Afhayeenka Baarlamaanka Xildhibaannada u akhriyey qodobka 24aad ee Xeer Hoosaadka Baarlamaanka oo ku saabsan Kalfadhiyada Golaha Shacabka, si gaar ahna farqada 5aad oo araneysa โFadhiyada ama kalfadhiyada waxey soconayaan ilaa laga dhameeyo ajandaha hor yaala golaha iyo Hindise Sharciyeedyada deg degga ahโ
Inkastoo qorshuhu ahaa in Kalfadhiga 6aad ee Baarlamaanka uu soo xermo 27ka bishan hadana waxaa goโaankani ay ka dhigaysaa in uu Kalfadhigu sii furnaado waqti aan la cayimin, ayadoo Baarlamaankana ay hor yaalaan Ajandayaal culus oo ugu horeeyo maareynta Mooshinka Xil ka qaadidda Madaxweynaha Jamhuuriyadda oo Xildhibaanno ka tirsan Baarlamaanka ay soo gudbiyeen.
