Banaanbaxyo cusub oo sii xoogaysanaya marba marka ka danbaysa ayaa ka dhacay qaar kamid ah magaalooyinka dalka Mareykanka kuwaas oo salka ku haya dilkii uu dhowaan magaalada Minneapolis sarkaal Boolis ah ugu gaystay George Floyd oo ahaa muwaadin American ah.
Warbixinno laga helayo warbaahinta maxalliga ah ee maraykanka ayaa sheegaya in Aqalka Cad uu dedaal ugu jiro sidii xaaladda loo dejin lahaa isla amarkaana loo qancin lahaa dadka banaanbaxyada samaynaya, goobaha ay dadku mudahaaraadka ka hor dhigayaan waxaa kamid ah aqalka Cad ee New York.
Madaxweynaha dalka Mareykanka Donald John Trump ayaa hore ugu Cambaareeyay in ismaamulka gobolka uu ka gaabiyay sidii wax looga qaban lahaa xaalada kacsan ee ka taagan magaalada Minneapolis.
