Waxaa maanta lagu qabtay Madxafka Qaranka ee dalka Kenya maalinta dabaaldegga Dhaqanka iyo Hidaha. Dhaqamadii lagu soo bandhigay madasha waxaa ka mid ahaa taariikhda, dhaqanka iyo Hidaha Soomaaliya.
Bandhigga dhaqanka maanta waxaa iska kaalmeystay Safaaradda Soomaaliya ee dalka Kenya, xarunta cilibaarista, Dhaqanka ee Aw-Jamac Cumar iyo Madxafka Qaranka ee dalka Kenya.
Related posts
Danjire Jabriil Ibraahim Cabdulle oo khudbad ka jeediyay xafladii maanta ayaa ku dheeraaday taariikhda dhaqanka Soomaaliya iyo taariikhda kala duwan ee uu soo maray.
Safiirka ayaa sidoo kale u mahadceliyay xarunta Aw Jama Cumar oo soo abaabushay, soona bandhigtay dhaqanka iyo hidaha ay caanka ku yihiin dadka Soomaaliyeed.
Dadka ka soo qaybgalay kulankii xafladda ayaa soo dhaweeyay bandhigga dhaqanka Soomaalida.
Dhanka kale, Labo asbuuc ka dib ayaa la filayaa in bandhig farshaxameed casri ah iyo mid dhaqan lagu soo bandhigo Madxafka Qaranka ee Kenya, kaas oo la filayo in ay u soo daawasho tagaan kumaanan kun oo qof.
Furitaanka Bandhiggaan ayaa lagu soo beegay todobaadk xoriyadda ee Soomaaliya, waxa uuna furmi doonaa bisha Juun 25-keeda.
