Baarlamaanka dalka Tunisiya ayaa kalsoonida kala noqday Xabib Essid oo ah R/wasaaraha dalka Tunisiya, kaasi oo bilihii dambe ay heysteen cadaadis badan oo uga imaanayey baarlamaanka dalkaasi.
Codeyn ay sameeyeen baarlamaanka Tunisiya ayaa 118 xildhibaan waxa ay u codeeyeen in R/wasaare Xabib Essid kalsoonida lagala laabto, iyadoo xildhibaano tiro yar oo gaaraya 27 mudane ay muujiyeen in R/wasaaruhu uu xilka sii hayo, balse natiijada ayaan noqon mid suura galisa rabitaanka xildhibaannadaasi.
Baarlamaanka Tunisiya ayaa dhawaan loo soo gudbiyey doodda ku aaddan cadaadiska heystay R/wasaaraha, iyaga oo ugu dambeyntiina go’aan ka qaatay.
Sababaha ugu weyn ee R/wasaare Xabib Essid uu kalsoonida baarlamaanka ku waayey ayaa lagu sheegay, xaaladda dhaqaale ee dalka, dhinaca siyaasadda iyo arrimo kale oo lagu soo eedeeyey.
