Booliska Dalka Canada ayaa gacanta ku dhigay Muscab C/raxmaan Axmed Nuur oo ay ku eedeeyeen in uu ka dambeeyay dilka laba Gabdhood oo Soomaali ah, kuwaas oo Jimcihii lagu dilay Gurigooda uu ku yaala Magaalada Ottawa ee Dalkaasi.
Muscab C/raxmaan Axmed Nuur, ayay sheegeen Booliska inuu la dhashay Gabdhaha uu dilay, balse ma aysan caddeyn Booliska ilaa hadda sababta ka dambeysay dilka Gabdhahaasi, sidoo kale Booliska ayaa sheegay in Muscab uu is adkeeyay markii ay qabanayeen kuna qabteen meel u dhow gurigooda oo uu dilka ka geystay, waxaana ay intaasi ku dareen in uu dhaawac yar soo gaaray lana dhigay isbitaal.
Muscab ayaa shalay oo Axad ahayd diiday in uu tago Maxkamadda,waxaana isaga oo ka maqan ay Maxkamadda ku xukuntay xeerarka 1aad iyo 2aad ee Dalkaasi oo ah Dilka.
Maxkamadda Dalka Canada ayaa soo jeedisay in Muscab lagu sameeyo baaritaan dhanka Maskaxda ah,waxaana ay wararku sheegayaan in uu dhimirka la’yahay.
Labada Gabdhood ee Soomaalida ah ee Jimcihii la dilay, ayaa aas loogu sameeyay Magaalada Ottawa ee dalka Canada, iyadoo Soomaalida ku nool dalkaasi ka qaybgaleen aaskaasi.
