Wasaaradda Xajka iyo Cumrada ee Boqortooyada Sacuudi Carabiya ayaa ku dhawaaqday xiritaanka diiwaangelinta tartanka Xajka iyo Cumrada ee sanadkan, kaasi oo ah tartankii labaad inta lagu jira sanadkan cusub ee 2023-ka, waxaana ka qeyb galaya 300 oo shirkadood.
Tartankan ayuu ujeedkiisu yahay u fududeeynta imaanshaha xujeyda, ka kala imaanaya daafaha Dunida oo dhan iyo in kor loo qaado tayada adeegyada la siinayo martida imaneysa Xajka.
Related posts
Sida ay sheegtay Wasaaradda Xajka iyo Cumrada ee Boqortooyada Sacuudiga, Labadii maalmood ee la soo dhaafay waxaa socday wajigii koowaad ee tartanka, iyadoo la qabtay kulamo aqoon is weydaarsi ah oo ku saabsan adeegyada iyo habka loola macaamilaya martida Alle.
Boqortooyada Sacuudi Carabiya, ayaa ku dhawaaqday sanadkan inaay fursad siineyso Shirkadaha si loo tayeeyo adeegyada Xujayda soo booqaneysa Baydka Alle ee barakeysan, kuwaasi oo u fududaynaya Xujaayda socdaalka iyo adeegyada munaasabka ah.
Shirkadadaha ku guleeysta tartankan bixinta adeegyada Xajka iyo Cumrada, ayaa la faafin doonaa inta u dhaxeysa 9 illaa 12-ka bishan Janaayo.
