Mashruuca tabar wadaag oo ah mashruuc in ka badan 100 qof oo laga soo xulay Degmada Balanbale ay uga tashanayaan baahiyaha gaarka ee ay doonayaan in wax looga qabto Degmada ayey ku doorteen in ka badan shan baahiyood oo bulshada ay u codeynayaan tan mudan in loo hor mariyo wax ka qabashadeeda.
Bulshada ayaa u codeeyay in wax looga qabto dhismaha isbitaalka degmada, maadaama Balanbale aysan ka jirin isbitaal si loo helo goob ay bulshadu ku dawaystaan Bukaanka
Qaar ka mid ah Odayasha Balanbale ayaa codsaday in wax laga qabto dhismaha Isbitaalka iyo in loo hirgaliyo ilayska cadceeda ku shaqeeya, si bulshada degmada looga haqab tiro baahiyaha aas aasiga u ah nolosha beni’aadamka.
Wakiilka Hay’ada Zamzam Foundation ee Balanbale Asad Badal ayaa sheegay in ay wax ka qabanayaan baahayiha ay isla garteen bulshada Balanbale, isla markaana ay dhankooda gacan ka geysan doonaan sidii arrimahaasi looga baahi tiri lahaa shacabka degmada.
Hay’ada Zamzam Foundation oo ka shaqeysa arrimaha Nabadda iyo Horumarinta Degmooyinka ayaa horay uga fulisay mashruuca nabadeeynta degmooyinka Gobolka Galgaduud, waxaana dhismaha Isbitaalkaan uu qayb weyn ka qaadan doona horumarka Balanbale horay dadka qaba xanuunada kala duwan, waxaa loo qaadi jiray degmooyinka Caabudwaaq iyo Guriceel oo masaafo aad u dheer u jirta degmada Balanbale ee gobolka Galgaduud.
