Muwaadiintan ayaa lagu gubay goobtooda ganacsi oo ku taalla duleedka magaalada Pretoria ee K/Afrika,xilli habeenimo ah oo roob xoogan socday.
Wiilashan oo mid ka mid ah dhintay ayaa lagu magacaabi jiray Axmed Bedel iyadoo wiilka dhaawaca ah lagu magacaabo Cabdi Shukri waxaana xilli saq dhexe kooxo burcad K/Afrikan ah ugu soo dhacay saqafka dhexe ee dukaankooda kadibna falkaasi loo geystay.
Burcadii falkaan gaystay ayaa laba ka mid ah la qabtay kadib markii ay dadka deegaanka wargaliyeen ciidamada Booliiska,iyadoo dhanka kale Jaaliyadda Soomaaliyeed ay walaac ka muujinyeen arintani.
Wararka qaar ayaa sheegaya in kooxdani qaar ka mid ah ay u dhasheen dalka dariska ee Zambebwe,waxaana socda baaritaanno la xiriira arintani sida uu Booliiska u sheegay Warbaahinta Qaranka.
xillyada dabayaaqada sanad walba ayaa waxaa soo kordha falalka dilalka iyo dhaca loogu geysto ganacsatada Soomaalida ee ku dhaqan K/Afrika
