Xarumaha codbixinta doorashoyinka madaxtinimo ee dalka Cameroon,ayaa la soo xiray,iyadoo si rasmi ah loo bilaabay tirinta codadka doorashoyinka ay ku loolamayaan Mr, Paul Biya oo talada haayey 36-sano iyo Maurice Kamto’s.
Paul Biya oo talada dalkaasi qabtay 1982-dii,waxa uu ka mid yahay madaxda Afrika ee mudada dheer haayey xilka madaxtinimo,isagoo haatan doonaya in uu mar todobaad isu taago xilkaasi.
Mucaaradka,ayaa durbaba sheegay in ay jiraan ku shubasho xagga codadka ah oo la siiyay madaxweyne Paul Biya ,waxaana jita rabshado dhinaca Galbeedka ah ee dalkaasi,kaas oo ay horkacayaan Fallaagada.
Natiijada ayaa la filayaa in lagu dhawaaqo todobaad kadib,waxaana suurtagal ah in Paul Biya uu soo laabto ama la doorto madaxweynaha 3-aad tan iyo markii dalka Cameroon uu madaxbannaanida ka qaatay dalka Faransiiska.
