Agaasimaha Isbitaalka weyn ee magaalada Beledweyne ee xarunta gobolka Hiiraan Dr Axmed Maxamed Khaliif oo la hadlay Radio Muqdisho ayaa sheegay cudurka dilaaga ah ee Jadeecada uu ka dilaacay deegaanada gobolka Hiiraan isla markaana tiro aad u badan oo carruur ah oo cudurku uu soo ritay la soo gaarsiiyay Isbitaalka magaalada Beledweyne.
Agaasimye Khaliif ayaa intaa ku daray in maalmihii la soo dhaafay la soo gaarsiiyay Isbitaalka magaalada Beledwyne 20 carruur ah oo cudurka Jadeecada qaba kuwaas oo da’dooda u dhaxeyso 5-6 sano waxaana laga kala keenay deegaanada miyiga ah ee gobolka Hiiraan.
“Cudurkan waxaa sababa Virus sidaa darteed la hortag mooyee dawo ma lahan, Tallaalka ayaana ah ka hortaga ugu wanaagsan sanadahan carruurta ku nool gobolka mah helin wax Tallaal oo Jadeecada ah taas ayaana ugu weyn sababta Kiisaska cudurkaasi ay hadda u soo badanayaan” ayuu yiri Dr Khaliif gaasimaha Isbitaalka Beledweyne.
