Ciidamada Israa’iil ayaa sheegay maanta in ay fuliyeen duqeymo cirka ah oo ka dhan ah goobo ku yaallo Marinka Gaza, ka dib markii sida ay sheegeen gantaallo laga soo riday dhanka Falastiin.
Duqeymaha ayaa ku dhacay waxa ay ciidamadan ku tilmaameen “bartilmaameedyo argagixiso” oo ay leedahay kooxda Islaamiga ah ee Xamaas, ee ka Talisa marinka Gaza.
Waxa ay sidokale sheegeen in goobaha la weeraray ay ka mid ahaayeen xarun tababar, goob laga gano gantaalaha lidka diyaaradaha, iyo warshad ay la hayeen Xamaas.
Afhayeen u hadlay Xamaas ayaa yiri: “in kastoo ay Israa’iil qaadday weerarkan, Gaza weli way dagaallameysaa wax iska caabinta Falastiin mana jabeyso.”
Weerarradan ayaa yimid saacado kadib markii gantaal Marinka Gaza laga ganay lagu beegsaday koonfurta Israa’iil.
Ciidamada Israa’ii ayaa magaalada Gaza ku soo rogay xayiraad dhanka xuduudaha badda iyo beriga ah kadib markii Xamaas, ay la wareegtay gacan ku haynta magaaladan sanadkii 2007.
